Pebrero 26–Marso 3
SALMO 11-15
Karantahon 139 Ngan Pag-ampo | Introduksyon (1 min.)
1. Imadyina nga Aadto Ka Na ha Mamurayawon nga Bag-o nga Kalibotan han Dios
(10 min.)
Kon an mga tawo diri nasunod ha balaud, nagriresulta ini hin kamadarahog sugad han aton nakikita yana (Sal 11:2, 3; w06 5/15 18 ¶3)
Makakasarig kita nga diri na maiha, tatapuson ni Jehova an kamadarahog (Sal 11:5; wp16.4-TG 11 ¶5-6)
An paghunahuna han saad ni Jehova nga katalwasan makakabulig ha aton nga mapailubon nga maghulat ha bag-o nga kalibotan (Sal 13:5, 6; w17.08 7 ¶15)
TESTINGI INI: Basaha an Ezekiel 34:25, ngan imadyina nga aadto ka ha mamurayawon nga lugar nga iginhuhulagway hini nga teksto.—kr 236 ¶16.
2. Espirituwal nga mga Hiyas
(10 min.)
-
Sal 14:1—Paonan-o mahimo maapektohan an mga Kristiano han disposisyon nga iginhuhulagway hini nga teksto? (w13 9/15 19 ¶12)
-
Ano nga espirituwal nga hiyas an imo nahibaroan tikang ha pagbasa ha Biblia yana nga semana?
3. Pagbasa ha Biblia
(4 min.) Sal 13:1–14:7 (th aradman 2)
4. Pagtikang ha Pakiistorya
(2 min.) PAGSANGYAW HA DIRI-PORMAL NGA PAAGI. Imbitara ha Memoryal an imo kaistorya. (lmd leksyon 5 punto 3)
5. Pagtikang ha Pakiistorya
(1 min.) PAGSANGYAW HA BALAY-BALAY. Imbitara ha Memoryal an imo kaistorya. (lmd leksyon 3 punto 4)
6. Pagtikang ha Pakiistorya
(3 min.) PAGSANGYAW HA BALAY-BALAY. An imo kaistorya nagpapakita hin interes ha imbitasyon para ha Memoryal. (lmd leksyon 7 punto 4)
7. Panhimo hin Disipulo
(5 min.) lff leksyon 13 sumaryo, repaso, ngan an puydi mo buhaton. Gamit hin artikulo tikang ha “Dugang nga Impormasyon” nga seksyon basi buligan an imo estudyante nga masabtan an inaabat han Dios ha buwa nga relihiyon. (th aradman 12)
Karantahon 8
8. “Mas Maopay an Kinaadman Kay han mga Armas nga Pan-Girra”
(10 min.) Pakighisgot.
An kamadarahog nagtitikaduro ha bug-os nga kalibotan. Maaram hi Jehova nga an kamadarahog nga aton nakikita ngan naieksperyensyahan makakapabaraka gud ha aton. Nasasabtan liwat niya nga kinahanglan naton hin proteksyon. An usa nga paagi nga ginagamit niya ha pagproteksyon ha aton amo an iya Pulong, an Biblia.—Sal 12:5-7.
An Biblia may-ada ‘kinaadman nga mas maopay kay han mga armas nga pan-girra.’ (Ec 9:18) Pansina kon paonan-o an masunod nga mga prinsipyo ha Biblia makakabulig nga maprotektaran kita ha pagin biktima han kamadarahog.
-
Ec 4:9, 10—Likayi nga mag-inusahan ha diri talwas nga mga lugar ngan mga sitwasyon
-
Pr 22:3—Pirme magin alerto ha mga nahitatabo ha imo palibot kon aada ka ha panpubliko nga lugar
-
Pr 26:17—Ayaw panginlabot ha mga argumento kon diri ka man nahidadabi
-
Pr 17:14—Baya ha lugar kon nakikita mo nga baga hin may mahitatabo nga kamadarahog. Ngan pahirayo ha mga tawo nga nagtitirirok basi magprotesta
-
Lu 12:15—Ayaw gud ibutang ha peligro an imo kinabuhi basi proteksyonan an imo mga panag-iya
I-play an VIDEO nga Subara an mga May Pagtoo, Diri Adton Waray—Hi Enoc, Diri hi Lamec. Katapos, pakianhi an mamarati:
Paonan-o an ehemplo ni Enoc nakaapekto ha mga desisyon ngan panggawi han tatay han nakaeksperyensya hira hin kamadarahog?—Heb 11:5
Ha pipira nga sitwasyon, bangin abaton han usa nga Kristiano nga kinahanglan may buhaton hiya basi protektaran an iya kalugaringon o an iya panag-iya. Kon amo, bubuhaton niya an ngatanan niya nga mahihimo basi diri makamatay ngan magin salaan ha dugo.—Sal 51:14; kitaa an “Mga Pakiana Tikang ha mga Magbarasa” ha Hulyo 2017 nga An Barantayan.
9. Kampanya Para ha Memoryal nga Magtitikang ha Sabado, Marso 2
(5 min.) Pahayag hin tigurang. Hisguti an lokal nga mga kahikayan para ha kampanya, espesyal nga pahayag, ngan Memoryal. Pahinumdoma an mga magwarali nga puydi hira mag-auxiliary payunir nga an ira kakab-uton 15 ka oras ha mga bulan han Marso ngan Abril.
10. Pag-aram ha Biblia han Kongregasyon
(30 min.) bt kap. 6 ¶9-17
