9:62

Basi makahimo hin tadong nga taranoman, an parag-arado diri sadang maulang ha kon ano an aada ha iya luyo. Ha pariho nga paagi, diri sadang tugotan han usa nga Kristiano nga maulang han mga butang nga iya ginbayaan ha kalibotan.​—Fil 3:13.

Kon nakakaeksperyensya kita hin kakurian, madali la handumon an panahon diin ‘maoroopay pa an aton kahimtang,’ bangin an panahon antes kita nahibaro han kamatuoran. Bangin mahunahuna naton nga mas malipayon kita hadto ngan gutiay la an mga problema. Ini an ginbuhat han mga Israelita katapos nira bumaya ha Ehipto. (Nu 11:5, 6) Kon paghinunahunaon naton ito, bangin masulay kita nga bumalik ha kinabuhi nga aton ginbayaan. Mas maopay gud nga hunahunaon an aton mga bendisyon yana ngan magpokus ha kalipay nga ipapahinabo han Ginhadian ha tidaraon!​—2Co 4:16-18.