An pagsugot ha Dios tikang ha kasingkasing. (Pr 3:1) Salit ha aton pagtutdo, kinahanglan mangalimbasog kita nga maabot an kasingkasing han aton mamarati. Paonan-o?

Diri igo nga tutdoan la an imo estudyante han mga kamatuoran ha Biblia; kinahanglan buligan mo liwat hiya nga makita an koneksyon hito ha iya kinabuhi ngan ha iya relasyon kan Jehova. Buligi hiya nga masabtan kon paonan-o an mga suruklan han Biblia nagpapakita han gugma, pagkamaopay, ngan katadongan han Dios. Gamit hin mataktika nga mga pakiana basi buligan hiya nga mausisa kon ano an iya inaabat ha iya nahibabaroan. Buligi hiya nga mapamalandong an mga kapulsanan kon babag-uhon niya an sayop nga panhunahuna o binuhatan. Kon makita mo an kinasingkasing nga gugma han imo estudyante kan Jehova, magigin mas malipayon ka.

KITAA AN VIDEO NGA ABATA AN KALIPAY HA PAGHIMO HIN DISIPULO​—PAUSWAGA AN IMO MGA PAMAAGI—​ABOTA AN KASINGKASING, NGAN BATONA AN MASUNOD:

• Kay ano nga nagpakiana hi Neeta kan Jade: “Ginhunahuna mo ba an aton gin-istoryahan han Lunes?”

• Paonan-o ginbuligan ni Neeta hi Jade nga makita nga an mga suruklan han Biblia kapahayagan han gugma ni Jehova ha iya?

• Paonan-o ginbuligan ni Neeta hi Jade nga mapamalandong kon paonan-o niya maipapakita an iya gugma ha Dios?