Ginsusugo kita han Kasuratan nga trataron an edaran nga mga Kristiano sugad hin aton nanay ngan tatay ngan an mga burobata sugad hin aton bugto. (Basaha an 1 Timoteo 5:1, 2.) Labi na nga kinahanglan trataron han mga brother an mga sister ha paagi nga may dignidad ngan respeto.

An usa nga brother diri gud mapikat o maghihimo hin bisan ano nga magriresulta nga magin diri komportable an usa nga sister. (Job 31:1) An usa nga solo nga brother diri magmumulay ha emosyon han usa nga solo nga sister pinaagi ha pagpaabat ha iya nga karuyag niya makig-uyab nga diri man ngay-an.

An mga tigurang angay mamati ha mga sister nga matinalahuron nga nagpapakiana o nagsusumat pa ngani hin butang nga bangin nagkikinahanglan hin atensyon. An mga tigurang labi na nga makonsiderasyon ha mga sister nga waray bana nga magpuprotektar ha ira.​—Ru 2:8, 9.

KITAA AN VIDEO NGA PAGPAKITA HIN DIRI NAPAPAKYAS NGA GUGMA HA KONGREGASYON—HA MGA BALO NGA BABAYE NGAN HA MGA WARAY TATAY, NGAN BATONA AN MASUNOD:

• Paonan-o iginpakita han kongregasyon nga hinigugma gud nira hi Sister Myint?

• Paonan-o an gugma nga iginpakita han kongregasyon nakahatag hin maopay nga pamatuod ha komunidad?

• Paonan-o an gugma nga iginpakita han kongregasyon nakaapekto ha mga anak ni Sister Myint?

Ano an pipira nga praktikal nga paagi nga maipapakita mo an mahigugmaon nga pagtagad ha mga sister ha iyo kongregasyon?