Ginbuligan ni Jehova an mga pobre ha kadaan nga Israel. Ano an pipira nga paagi nga ginbubuligan niya an mga pobre ha iya mga surugoon yana?

• Gintututdoan niya hira nga magkaada balanse nga panhunahuna ha kwarta.​—Lu 12:15; 1Ti 6:6-8

• Ginbubuligan niya hira nga magkaada respeto ha kalugaringon.​—Job 34:19

• Gintututdoan niya hira nga magin maduruto ha pagtrabaho ngan likyan an nakakadaot nga mga bisyo.​—Pr 14:23; 20:1; 2Co 7:1

• Gindara niya hira ha Kristiano nga pagminagburugto nga may gugma ha usa kag usa.​—Ju 13:35; 1Ju 3:17, 18

• Gintatagan niya hira hin paglaom.​—Sal 9:18; Isa 65:21-23

Anoman kakuri an aton magin kahimtang, diri kita kinahanglan mabaraka. (Isa 30:15) Itatagana ni Jehova an aton materyal nga panginahanglan kon padayon nga uunahon naton an pagpamiling han iya Ginhadian.​—Mat 6:31-33.

KITAA AN VIDEO NGA AN GUGMA DIRI GUD NAPAPAKYAS BISAN PA HAN . . . KAPOBREHAN—CONGO, NGAN BATONA AN MASUNOD:

• Paonan-o an kabugtoan nga naukoy hirani ha lokasyon han regional nga kombensyon mahigugmaon nga nag-aabiabi hadton nagbibiyahe ngadto ha kombensyon?

• Ano an igintututdo han video mahitungod ha gugma ni Jehova ha mga pobre?

• Anoman an aton kahimtang ha pinansyal, paonan-o naton masusubad hi Jehova?