An empatiya amo an abilidad ha pagsabot han panhunahuna, inaabat, prinsipyo, ngan panginahanglan han iba. Madali abaton han mga tawo kon may empatiya kita. Magkakaada kita hito kon karuyag gud naton bumulig ha iba. Kon nagpapakita kita hin empatiya ha ministeryo, ginsusubad naton an gugma ngan interes ni Jehova ha mga tawo, ngan nag-aaghat ito ha ira nga kilalahon hiya.​—Fil 2:4.

An pagpakita hin empatiya diri la teknik; nakikita ito ha aton paagi ha pagpamati ngan pagyakan, pati na ha aton disposisyon, pagkompas, ngan ekspresyon han nawong. Maipapakita naton an empatiya kon may-ada kita tinuod nga interes ha usa. Gin-oobserbaran naton an iya hilig, gintotoohan, ngan kahimtang. Naghahatag kita hin praktikal nga impormasyon ngan bulig pero diri naton hiya ginpipirit nga magbag-o. Kon an aton nasasangyawan nakarawat han aton bulig, nagigin mas malipayon kita ha ministeryo.

KITAA AN VIDEO NGA ABATA AN KALIPAY HA PAGHIMO HIN DISIPULO​—PAUSWAGA AN IMO MGA PAMAAGI—​PAGPAKITA HIN EMPATIYA, NGAN BATONA AN MASUNOD:

• Paonan-o hi Neeta nagpakita hin empatiya han naatrasado hi Jade?

• Paonan-o hi Neeta nagpakita hin empatiya han nagsiring hi Jade nga diri hiya makaka-study kay istres hiya hinduro?

• Paonan-o hi Neeta nagpakita hin empatiya han nagsiring hi Jade nga diri hiya organisado?