Ha Biblia, damu an ehemplo hin mga pag-ampo nga ginbaton ni Jehova. Kon nakikita han mga surugoon ni Jehova kon paonan-o niya ginpapamatian an ira mga kabaraka ngan ginbubuligan hira, sigurado nga napaparig-on an ira pagtoo. Salit maopay nga magin espisipiko kita ha aton personal nga mga pag-ampo ngan pangalimbasogan nga masabtan an baton ni Jehova. Hinumdumi nga an iya baton bangin iba kay ha aton ginlalaoman o labaw pa kay han aton ginhahangyo. (2Co 12:7-9; Efe 3:20) Ano an mahimo itagana ni Jehova sugad nga baton ha aton mga hangyo?

• Pisikal, emosyonal, o espirituwal nga kusog basi makaya an usa nga problema.—Fil 4:13

• Kinaadman para makahimo hin maopay nga desisyon.—San 1:5

• Hingyap ngan gahum ha pagbuhat.—Fil 2:13

• Pagin kalmado kon nababaraka kita.—Fil 4:6, 7

• Pisikal o emosyonal nga bulig tikang ha iba. —1Ju 3:17, 18

• Bulig para ha mga igin-aampo naton.—Bu 12:5, 11

KITAA AN VIDEO NGA HI JEHOVA AN “PARAPAMATI HAN PAG-AMPO,” NGAN BATONA AN MASUNOD:

• Paonan-o kita madadasig han eksperyensya ni Brother Shimizu kon limitado an aton nahihimo tungod han mga problema ha kahimsog?

• Paonan-o naton masusubad an ehemplo ni Brother Shimizu?