Ginpaningkamotan gud nga maiandam an sampol nga pakiistorya, ngan nakita han damu nga magwarali nga epektibo ito ha ira teritoryo. Pero tungod kay iba-iba an kahimtang ha bug-os nga kalibotan, an mga magwarali mahimo gumamit ha ira ministeryo hin iba nga paagi o maghisgot hin iba nga topiko nga maruruyagan han mga tawo ha ira teritoryo. Syempre, an mga instruksyon para ha espesyal nga kampanya kinahanglan sundon han ngatanan. Tumong naton nga matuman an sugo ni Jesus nga isangyaw an maopay nga sumat han Ginhadian.—Mat 24:14.

Kon may bahin sugad nga estudyante, kinahanglan hisgotan han mga magwarali an topiko ha sampol nga pakiistorya ha Workbook Para ha Katirok ha Pagkinabuhi Ngan Ministeryo. Pero labot la kon may iba nga instruksyon, puydi hira gumamit hin iba nga pakiana, teksto, pakiana para ha sunod, o setting nga magigin epektibo ha ira teritoryo. Pagbag-o ini han instruksyon nga makikita ha pahina 8 han Hunyo 2020 nga isyu han workbook para ha katirok.