Karuyag ni Jehova nga magin malipayon an mga pamilya. (Sal 127:3-5; Ec 9:9; 11:9) Pero mahimo mawara an aton kalipay tungod han istres tikang hini nga kalibotan ngan han mga sayop han aton mga kapamilya. Paonan-o makakabulig an tagsa nga membro han pamilya basi magin malipayon an pamilya?

Ginpapasidunggan han bana an iya asawa. (1Pe 3:7) Naggagahin hiya hin panahon ha iya asawa. Reyalistiko hiya ha iya mga ginlalaoman ha iya asawa ngan iginpapakita niya an iya apresasyon ha mga ginbubuhat han iya asawa para ha iya ngan ha pamilya. (Col 3:15) Iginpapahayag niya an iya gugma ngan gindadayaw niya an iya asawa.—Pr 31:28, 31.

An asawa namimiling hin mga paagi para sumuporta ha iya bana. (Pr 31:12) Nagpapasakop ngan nakooperar hiya ha iya bana. (Col 3:18) Buotan hiya kon nakikiistorya ha iya bana ngan nagyayakan hiya hin maopay mahitungod ha iya bana.—Pr 31:26.

An mga kag-anak naggagahin hin panahon ha ira mga anak. (De 6:6, 7) Ginsusumatan nira an ira mga anak nga hinigugma nira hira. (Mat 3:17) Kon nagdidisiplina ha ira mga anak, iginpapakita nira an gugma ngan husto nga pagturotimbang.—Efe 6:4.

Ginpapasidunggan ngan ginsusugot han mga anak an ira mga kag-anak. (Pr 23:22) Iginsusumat nira ha ira mga kag-anak an ira mga ginhuhunahuna ngan mga pagbati. Ginkakarawat nira an disiplina han ira mga kag-anak ngan ginrirespeto hira.—Pr 19:20.

KITAA AN VIDEO NGA KULTIBARA AN KALIPAY HA IYO PAMILYA, NGAN BATONA AN MASUNOD:

Ano an ginbuhat han kada tagsa para magin malipayon an pamilya?