An Salmo 51 iginsurat ni David katapos komprontahon hiya ni propeta Natan mahitungod han iya seryoso nga sala kaupod ni Batseba. Nakonsensya gud hito hi David, ngan mapainubsanon nga iginsumat niya an iya sala.—2Sa 12:1-14.

51:3, 4, 8-12, 17

• Antes magbasol ngan magsumat han iya sala, nagin miserable hiya tungod han iya kakonsensya

• Han nawara an pag-uyon han Dios ha iya, nasakit gud hiya nga nagin sugad hiya hin tawo nga ginrumok an mga tul-an

• Ginhingyap gud niya nga mapasaylo, maibalik an relasyon ha Dios, ngan an kalipay nga naieksperyensyahan hadto

• Mapainubsanon nga nanginyupo hiya kan Jehova nga buligan hiya nga magin andam sumugot

• Nasarig hiya nga papasayloon hiya ni Jehova