An mga video nakakabantad han kasingkasing kay napupukaw hito an sentido ha pagkita ngan pagpamati. Nabulig ini ha pagkuha han atensyon ngan pagtipig han impormasyon ha hunahuna. Hi Jehova an pinakamaopay nga susbaranan ha paggamit hin visual aid ha pagtutdo.—Bu 10:9-16; Pah 1:1.

An mga video nga Does God Have a Name?, Who Is the Author of the Bible?, ngan an How Can We Be Sure the Bible Is True? naghahatag hin dugang nga impormasyon ha leksyon 2 ngan 3 han Maopay nga Sumat nga brosyur. An mga video nga Kay Ano nga Kinahanglan Pag-adman an Biblia?, Paonan-o Ginhihimo an Pag-aram ha Biblia?, ngan Ano an Ginbubuhat ha Kingdom Hall? nag-aaghat ha usa nga pag-adman an Biblia kaupod naton o tumambong ha mga katirok ha kongregasyon. An pipira han aton higlaba nga mga video mahimo liwat gamiton ha pagtutdo ha aton gindudumarahan hin pag-aram ha Biblia.—km 5/13 3.

• Abanse nga i-download an video nga karuyag mo ipakita ha tagbalay

• Pag-andam hin usa o duha nga pakiana nga mababaton han video

• Magkaupod nga kitaa an video

• Hisguti an nangunguna nga mga punto

• Ipakita an luyo nga pahina han usa han mga tract, ngan unabiha an code han video nga Kay Ano nga Kinahanglan Pag-adman an Biblia?

• Ipakita an video nga How Can We Be Sure the Bible Is True? ngan itanyag an brosyur nga Maopay nga Sumat ngan hisguti an leksyon 3