MGA BAHANDI TIKANG HA PULONG HAN DIOS | SALMO 34-37
Sarig kan Jehova Ngan Buhata an Maopay
“Diri ka maawa ha . . . nagbubuhat hin diri matadong”
-
Ayaw tuguti an temporaryo nga kalamposan han magraot nga tawo nga makaulang ha imo pag-alagad kan Jehova. Pagpokus ha mga bendisyon ngan mga tumong ha espirituwal
“Sumarig ka kan Jehova, ngan magbuhat ka hin kaopayan”
-
Sarig nga bubuligan ka ni Jehova bisan ha panahon han pagruhaduha o kabaraka. Bubuligan ka niya nga magpabilin nga matinumanon
-
Magin okupado pirme pinaagi ha pagsangyaw han maopay nga sumat han Ginhadian han Dios
“Maglipay liwat ikaw kan Jehova”
-
Pag-eskedyol hin panahon ha pagbasa han Pulong han Dios ngan pagpamalandong hito nga an tumong amo an pagkilala kan Jehova hin mas maopay
“Itubyan mo kan Jehova an imo agian”
-
Sarig hin bug-os nga bubuligan ka ni Jehova ha pag-atubang ha bisan ano nga problema
-
Tipigi an maopay nga panggawi bisan pa han pagkontra, pagtimaraot, o sayop nga pagkilala han iba ha imo
“Tapod kan Jehova ngan maghulat ka hin pag-ilob ha iya”
-
Likayi an mga buhat nga diri ginhuhunahuna hin maopay nga makakagwara han imo kalipay ngan makakapaluya han imo espirituwalidad
“An maaghop makakapanunod han tuna”
-
Pamilnga an kaaghop, ngan mapainubsanon nga maghulat kan Jehova ha pagtapos han ngatanan nga kawaray-hustisya nga imo naieksperyensyahan
-
Buligi an imo mga igkasi-tumuroo, ngan liawa an mga nasusubo pinaagi han saad han Dios nga bag-o nga kalibotan nga hirani na gud umabot
An Mesianiko nga Ginhadian maghahatag hin damu nga bendisyon
