Hingyap han mga kag-anak nga may kahadlok ha Dios nga an ira mga anak magin matinumanon nga surugoon ni Jehova. Mabubuligan han mga kag-anak an ira mga anak pinaagi ha pagpasilsil han katutdoan han Biblia ha kasingkasing han ira mga anak tikang ha kabata. (De 6:7; Pr 22:6) Nagkikinahanglan ba ini hin pagsakripisyo? Oo! Kondi takos gud hito an balos.​—3Ju 4.

Damu an mahibabaroan han mga kag-anak kanda Jose ngan Maria. “Napakadto [hira] ha Jerusalem kada tuig para ha piyesta han Paskua” bisan kon nagkikinahanglan ini hin pangalimbasog ngan kwarta. (Lu 2:41) Matin-aw, prayoridad nira an espirituwalidad han ira pamilya. Ha pariho nga paagi, magigiyahan han mga kag-anak an ira anak ha husto nga direksyon pinaagi ha pagpahimulos han ngatanan nga higayon basi tutdoan an ira mga anak pinaagi han ira pulong ngan buhat.​—Sal 127:3-5.

KITAA AN VIDEO NGA GINBUHAT NIRA AN NGATANAN, NGAN BATONA AN MASUNOD:

• Paonan-o gin-una nira Jon ngan Sharon Schiller an buruhaton han Ginhadian ha ira pamilya?

• Kay ano nga sadang ipahiuyon han mga kag-anak an pagtutdo, paggiya, ngan pagdisiplina ha ira tagsa nga anak?

• Paonan-o maaandam han mga kag-anak an ira mga anak nga malamposan an mga pagsari han pagtoo?

• Ano nga mga tagana han organisasyon ni Jehova an imo ginagamit basi mabuligan an imo anak nga mag-uswag ha espirituwal?