Hi Jesus naghatag hin maopay nga susbaranan labi na kon naatubang kita hin mga pagsari o pagkontra. (1Pe 2:21-23) Bisan kon gin-insulto hiya han nag-aantos hiya, waray hiya bumulos. (Mar 15:29-32) Ano an nakabulig ha iya nga makailob? An iya determinasyon nga buhaton an kaburut-on ni Jehova. (Ju 6:38) Nagsentro liwat hiya ha “kalipay nga iginbutang ha iya atubangan.”​—Heb 12:2.

Ano an aton reaksyon kon ginmamaltrato kita tungod han aton pagtoo? An tinuod nga mga Kristiano diri ‘nabulos hin maraot ha maraot.’ (Ro 12:14, 17) Kon ginsusubad naton an paagi ni Jesus ha pag-ilob han mga pag-antos, mahimo kita magin malipayon kay may pag-uyon kita han Dios.​—Mat 5:10-12; 1Pe 4:12-14.

KITAA AN VIDEO NGA AN NGARAN NI JEHOVA AN PINAKAIMPORTANTE, NGAN BATONA AN MASUNOD:

• Paonan-o gin-gamit hin maaramon ni Bugto Pötzinger * an iya panahon samtang nakabartolina?

• Ano nga mga pag-antos an gin-ilob han mag-asawa nga Pötzinger samtang priso ha iba-iba nga concentration camp?

• Ano an nakabulig ha ira nga makailob?