Kay ano nga kinahanglan naton pilion hin maopay an aton kaliawan? Tungod kay kon nagpipili kita hin pelikula nga kikitaon, kanta nga pamamatian, website nga bibisitahon, libro nga babasahon, o video game nga uuyagon, ginpipili naton kon ano an isusulod ha aton hunahuna. An aton mga ginpipili nakakaapekto ha aton panggawi. Makasurubo, an kadam-an han mga kaliawan yana nag-uupod han mga butang nga ginkakangalasan ni Jehova. (Sal 11:5; Gal 5:19-21) Tungod hini, gin-aaghat kita han Biblia nga padayon nga hunahunaon an mga butang nga nagpapasidungog kan Jehova.​—Fil 4:8.

KITAA AN VIDEO NGA ANO NGA KALIAWAN AN ANGAY KO PILION? NGAN BATONA AN MASUNOD:

• Paonan-o an kadaan nga mga uyag han mga gladyador ha Roma puropariho ha pipira nga moderno nga kaliawan?

• Paonan-o makakabulig an mga membro han kongregasyon ha mga batan-on basi makapili hin maopay nga kaliawan?

• Paonan-o an Roma 12:9 sadang makaapekto ha aton ginpipili nga kaliawan?

• Ano an pipira han diri kwestyonable nga mga kaliawan ha iyo lugar?