Hi Job nag-uukoy ha Us durante ha panahon han pagkauripon han mga Israelita ha Ehipto. Bisan kon diri Israelita, maunungon hiya nga nagsisingba kan Jehova. May daku hiya nga pamilya, riko, ngan maimpluwensya. Gintatahod gud hiya nga magsaragdon ngan waray gindadapigan nga hukom. Mabinuligon hiya ha pobre ngan ha nanginginahanglan. Hi Job usa nga tawo nga may integridad.

1:8-11, 22; 2:2-5

• Nakita ni Satanas an pagkamatinumanon ni Job. Waray ignigar ni Satanas nga hi Job masinugtanon kan Jehova, lugod ginkwestyon niya an motibo ni Job

• Nagsiring hi Satanas nga nag-aalagad la hi Job kan Jehova tungod han personal nga interes

• Basi mabaton an akusasyon ni Satanas, gintugotan hiya ni Jehova nga sarihan an pagkamatinumanon ni Job. Ginpakurian gud ni Satanas an kinabuhi ni Job

• Han gintipigan ni Job an iya integridad, ginkwestyon ni Satanas an integridad han ngatanan nga tawo

• Hi Job waray makasala o basola an Dios tungod han diri maopay nga nahitabo ha iya