Ha Marso 23, mga 12 ka milyon o sobra pa an ginlalaoman nga matambong ha Memoryal sugad nga aton bisita. Usa gud nga daku nga pagpamatuod an ira makakarawat samtang hihisgotan han mamumulong an mahitungod han regalo ni Jehova nga lukat ngan an pipira han mga bendisyon nga makakarawat han katawohan ha tidaraon! (Isa 11:6-9; 35:5, 6; 65:21-23; Ju 3:16) Kondi, diri la an mamumulong an makakahatag hin pamatuod durante hinin espesyal nga okasyon. Kita ngatanan may bahin ha pag-abiabi han aton mga bisita. (Ro 15:7) Iini an pipira nga suhestyon.

• Imbes nga lumingkod ngan maghinulat na la ha pagtikang han katirok, magin maabiabihon ngan makisangkayon ha mga bisita ngan mga diri-aktibo. Hiyom ngan pangumustaha hira

• Samtang gin-aasikaso mo an imo personal nga gin-imbitar, tagda liwat an iba nga bangin tinambong tungod kay nakakarawat hira hin imbitasyon durante han kampanya. Agdaha hira nga lumingkod ha imo sapit, ngan pasunoa han imo Biblia ngan songbook

• Katapos han pahayag, magin andam ha pagbaton han ira mga pakiana. Kon limitado an oras tungod kay may iba nga magamit han Kingdom Hall, pakigsabot ha pagbisita ha ira paglabay la hin pipira ka adlaw. Kon diri ka maaram kon paonan-o makukontak an usa nga bisita, mahimo ka sumiring: “Karuyag ko hibaroan kon ano an imo masisiring ha programa. Paonan-o ko daw la ikaw makukontak?”