An brosyur nga Hin-o an Nagbubuhat han Kaburut-on ni Jehova Yana? gindisenyo basi hisgotan kaupod han estudyante ha Biblia ha tinikangan o kataposan han kada pag-aram. * An leksyon 1-4 nabulig ha estudyante nga magin pamilyar ha aton sugad nga mga tawo, an leksyon 5-14 nabulig ha ira nga mahibaro mahitungod ha aton buruhaton, ngan an leksyon 15-28 nagpapakita kon ano an ginbubuhat han aton organisasyon. Kasagaran nga mas maopay nga sunod-sunod nga paghisgotan an mga leksyon labot la kon kinahanglan dayon adman an usa ka partikular nga leksyon. Usa la ka pahina an kada leksyon ngan kasagaran nga mahimo hisgotan ha sulod hin lima tubtob napulo ka minuto.

• Unabiha an pakiana nga amo an ulohan han leksyon

• Basaha niyo nga duha an leksyon, puydi diretsuhon ito pagbasa o bahin-bahinon

• Hisguti an iyo pa la ginbasa. Pahimulsi an mga pakiana ha ubos han pahina ngan an mga retrato. Basaha ngan hisguti an gin-unabi nga mga teksto kon angayan. Pabug-ati nga an mga sub-ulohan nagbabaton han pakiana ha ulohan

• Kon may-ada kahon nga “Mga Paagi Basi Dugang nga Mahibaro,” basaha ito niyo ngan aghata an estudyante nga sundon an suhestyon