25:1-12

Bisan kon para ha dinihogan nga mga sumurunod an parabola ni Jesus mahitungod ha napulo nga birhen, an importante nga mensahe hito aplikado ha tanan nga Kristiano. (w15 3/15 12-16) “Padayon kamo nga magbantay kay diri kamo maaram han adlaw ngan han oras.” (Mat 25:13) Maisasaysay mo ba an parabola ni Jesus?

• Karaslon nga lalaki (ber. 1)—Jesus

• Maaramon, andam nga mga birhen (ber. 2)—Dinihogan nga mga Kristiano nga andam ngan matinumanon nga nagtutuman han ira toka, ngan naglalamrag sugad nga sugâ tubtob ha kataposan (Fil 2:15)

• An ginsinggit: “Aadi na an karaslon nga lalaki!” (ber. 6)—Ebidensya han presensya ni Jesus

• Diri-maaramon nga mga birhen (ber. 8)—Dinihogan nga mga Kristiano nga tumapo ha Karaslon nga Lalaki pero waray magpabilin ha pagbantay ngan waray magtipig han ira integridad

• An maaramon nga mga birhen nagdumiri paghatag hin lana (ber. 9)—Katapos han ultimo nga pagselyo, urhi na gud para ha matinumanon nga mga dinihogan an pagbulig ha mga nagin diri matinumanon

• “Inabot an karaslon nga lalaki” (ber. 10)—Maabot hi Jesus ha pag-ikatarapos han daku nga kasakitan basi magpadapat hin paghukom

• An maaramon nga mga birhen inupod ha panagtawo han kasal han karaslon nga lalaki, ngan iginsara an purtahan (ber. 10)—Titirukon ni Jesus an iya magtinumanon nga dinihogan ha langit, kondi mawawara han diri magtinumanon an ira langitnon nga balos