PAGKINABUHI SUGAD NGA MGA KRISTIANO
Pagpauswag han Aton Abilidad ha Ministeryo—Pagtutdo ha Aton Estudyante ha Pagpangandam
KON KAY ANO NGA IMPORTANTE: Kon nangangandam an estudyante han Biblia, mas nasasabtan ngan nahinunumdoman nira an aton igintututdo ha ira. Kon mas nakakasabot ngan nakakahinumdom hira, mas madagmit hira mag-uswag. Bisan kon mabawtismohan na, kinahanglan la gihap nira mangandam para ha mga katirok ngan ministeryo basi ‘padayon nga makagbantay.’ (Mat 25:13) Salit, an paghibaro kon paonan-o mag-aram ngan an pagkaada maopay nga rutina ha pag-aram daku an kapulsanan ha ira. Ha tinikangan pa la, sadang na naton buligan an aton estudyante nga mabatasan an pagpangandam para ha ira pag-aram han Biblia.
KON PAONAN-O ITO BUBUHATON:
-
Magin maopay nga susbaranan. (Ro 2:21) Pangandam ha kada pag-aaram nga ginhuhunahuna an estudyante. (km 11/15 3) Ipakita ha iya an imo publikasyon nga imo ginbagisan an mga baton
-
Aghata hiya nga mangandam. Kon regular na an pag-aram, sumati hiya nga importante nga bahin ha pag-aram han Biblia an pagpangandam, ngan isaysay an mga kapulsanan. Paghatag hin praktikal nga mga suhestyon kon paonan-o hiya makakagahin hin panahon ha pagpangandam tikang ha iya eskedyol. Durante han pag-aram, iginpapagamit han iba nga nagdudumara hin pag-aram ha ira estudyante an ira publikasyon nga may bagis an baton basi mabuligan an ira estudyante nga makita an kapulsanan hito. Kumendasyuni hiya kon mangandam hiya
-
Ipakita ha iya kon paonan-o mangangandam. Ha tinikangan han pag-aram, ginagamit han pipira nga magturutdo an bug-os nga sesyon basi ipakita ha ira estudyante kon paonan-o mangangandam