• Gamita an imo kalugaringon nga adres. Kon ha imo pagkita diri maaramon nga ihatag an imo kalugaringon nga adres, mahimo mo gamiton an adres han Kingdom Hall kon tugotan ka han mga tigurang nga buhaton ito. Pero AYAW GUD gamita an adres han sanga nga opisina sugad nga imo kalugaringon nga adres.

• Gamita an ngaran han imo ginsusuratan kon kilala mo hiya. Mabulig ini basi diri hunahunaon nga an imo surat usa nga adbertisment hin negosyo.

• Siguroha nga husto an ispeling, gramatika, ngan puntwasyon. Kinahanglan malimpyo an surat, diri mahugaw. Kon kinamot ito, kinahanglan masayon ito basahon. An mga pulong diri sadang magin sobra ka kaswal o sobra ka pormal.

Ini nga mga punto iginpapakita han sampol nga surat nga iginlakip dinhi. Diri kinahanglan kopyahon an tagsa nga pulong ha kada panahon nga may susuratan ka ha iyo teritoryo. Ipahiuyon an imo surat sumala han imo katuyoan ngan ha mga kahimtang ngan kustomre ha iyo lugar.