KON KAY ANO NGA IMPORTANTE: Damu nga buta an diri komportable makig-istorya ha diri nira kilala. Salit, kinahanglan magin mataktika basi masangyawan hira. Interesado hi Jehova ha kaopayan han mga buta. (Le 19:14) Masusubad naton hiya pinaagi ha pagbulig ha mga buta nga makilala hiya.

KON PAONAN-O ITO BUBUHATON:

• “Bilnga” an mga buta. (Mat 10:11) May kilala ka ba nga may kapamilya nga buta? An iyo ba teritoryo may eskwelahan, nursing home, o iba pa nga pasilidad nga karuyag magkaada mga publikasyon nga gindisenyo para ha mga buta?

• Pagpakita hin personal nga interes. An imo sinsero nga pakigsangkay ngan personal nga interes mabulig ha usa nga buta nga magin komportable ha imo. Pagtikang hin pakiistorya mahitungod ha usa nga makapainteres nga topiko

• Paghatag hin espirituwal nga bulig. Basi mabuligan adton may depekto ha pagkita, an organisasyon nagpupublikar hin mga literatura ha iba-iba nga pormat. Pakianhi an sugad nga mga indibiduwal kon ano nga pormat an ira karuyag. Sadang siguruhon han paramangno han pag-alagad nga maka-request an literature servant hin literatura ha pormat nga karuyag han usa nga buta