Kada tuig nangangalimbasog kita nga imbitaron an mga tawo ha aton teritoryo basi isaurog an Memoryal kaupod naton. Kadam-an ha ira diri naton kilala. Kinahanglan liwat naton imbitaron an aton mga kakilala. An mga tawo nga gin-imbitar han ira mga kakilala daku an tsansa nga tumambong. (yb08-TG 11-12 ¶3; 14 ¶1) Hin-o an puydi mo imbitaron?

• Mga kapamilya

• Mga katrabaho o kaklase

• Mga amyaw

• Mga ginbabalik-bisita ngan Bible study hadto ngan yana

Labot pa hito, iimbitaron han mga tigurang adton mga diri aktibo. Kumusta man kon an imo kakilala diri naukoy ha iyo lugar? Makikita mo an oras ngan lokasyon han Memoryal ha ira lugar pinaagi ha pag-click han tab nga MAHITUNGOD HA AMON ha igbaw nga bahin han home page han jw.org/war, katapos, i-click an “Memoryal.” Samtang nangangandam ka para ha Memoryal hini nga tuig, hunahunaa adton puydi mo imbitaron, ngan tagi hira hin imbitasyon.