An nahitabo ha Israel ha kapatagan han Moab usa nga nagpapahamangno nga ehemplo para ha mga Kristiano. (1Co 10:6, 8, 11) An mga Israelita nga nakig-upod ha Moabita nga kababayin-an nga imoral ngan nagsisingba ha mga idolo nasulay nga magbuhat hin seryoso nga mga sala. Maraot gud an nagin resulta hito. (Nu 25:9) Nakakaupod naton an mga katrabaho, kaeskwela, amyaw, paryente, ngan iba pa nga kakilala nga diri nagsisingba kan Jehova. Ano nga leksyon an igintututdo hini nga rekord han Biblia mahitungod ha kadelikadohan han duok nga pakig-upod ha sugad nga mga tawo?

KITAA AN VIDEO NGA NAGPAPAHAMANGNO NGA MGA EHEMPLO PARA HA ATON PANAHON​—EXCERPT, NGAN BATONA AN MASUNOD:

• Ano nga sayop nga panhunahuna an iginsumat ni Zimri ngan han iba kan Jamin?

• Paonan-o ginbuligan ni Pinehas hi Jamin nga magkaada husto nga panhunahuna?

• Ano an kaibahan han pagin makisangkayon ha diri tumuroo ngan han pagin iya sangkay?

• Kay ano nga kinahanglan kita maghirot ha pagpili hin duok nga kasangkayan bisan ha sulod han kongregasyon?

• Kay ano nga kinahanglan kita maglikay ha mga chat group ha social media diin an mga membro hito diri naton personal nga kilala?