An mga pagsari masayon la makapaluya ha aton, labi na kon nag-iiha na ito. Maaram hi David nga matatapos gihapon an iya pagsari parte kan Hadi Saul ngan magigin hadi hiya, sugad han iginsaad ni Jehova. (1Sa 16:13) An pagtoo ni David nakabulig ha iya nga magpailob ngan maghulat kan Jehova.

Kon nakakaeksperyensya hin pagsari, magagamit naton an aton pagin maikmat, kahibaro, o abilidad ha paghunahuna basi bag-uhon an aton sitwasyon. (1Sa 21:12-14; Pr 1:4) Pero may mga kakurian nga magpapadayon bisan kon ginhimo na naton an ngatanan uyon ha mga prinsipyo ha Biblia. Hito nga mga kahimtang, kinahanglan magpailob kita ngan maghulat kan Jehova. Diri mag-iiha, tatapuson niya an ngatanan naton nga pag-antos ngan ‘papahiron an ngatanan nga luha’ ha aton mga mata. (Pah 21:4) Matapos man an aton problema tungod han paggios ni Jehova o tungod han iba pa nga rason, usa nga butang an sigurado: An tanan nga pagsari may kataposan. Ini nga kamatuoran makakaliaw ha aton.

KITAA AN VIDEO NGA NAGKAKAUROSA NGA KATAWOHAN HA NAGKAKABAHIN-BAHIN NGA KALIBOTAN, NGAN BATONA AN MASUNOD:

• Ano nga pagsari an naeksperyensyahan han pipira nga Kristiano ha sur nga bahin han United States?

• Paonan-o hira nagpakita hin pagpailob ngan gugma?

• Paonan-o hira padayon nga nagpokus ha “mas importante nga mga butang”?—Fil 1:10