Napirde ni David hi Goliat tungod kay sumarig hiya kan Jehova. (1Sa 17:45) Karuyag ni Jehova ipakita an iya kusog para ha tanan niya nga surugoon. (2Cr 16:9) Paonan-o naton maipapakita an pagsarig ha bulig nga igintatagana ni Jehova imbes nga ha aton kalugaringon nga eksperyensya ngan mga abilidad? Aadi an tulo nga paagi:

• Pag-ampo pirme. Pag-ampo diri la para han kapasayloan katapos makahimo hin sayop, kondi para liwat hin kusog kon naatubang ka hin pagsulay. (Mat 6:12, 13) Pag-ampo diri la para han bendisyon ni Jehova ha mga desisyon nga nahimo na, kondi para liwat ha iya giya ngan kinaadman antes maghimo hin mga desisyon.—San 1:5

• Magkaada rutina ha pagbasa ngan pag-aram han Biblia. Basaha an Biblia kada adlaw. (Sal 1:2) Pamalandonga an mga ehemplo ha Biblia, ngan iaplikar an mga leksyon nga imo nahibaroan. (San 1:23-25) Mangandam para ha ministeryo imbes nga sumarig ha imo mismo eksperyensya. Bug-os nga magpahimulos ha mga katirok han kongregasyon pinaagi ha abanse nga pag-aram para hito

• Makigkooperar ha organisasyon ni Jehova. Hibaroi an pinakabag-o nga mga instruksyon tikang ha organisasyon, ngan sunda ito dayon. (Nu 9:17) Pamati ha mga tigurang kon nahatag hira hin sagdon ngan mga instruksyon.—Heb 13:17

KITAA AN VIDEO NGA WARAY RASON NGA MAHADLOK HA PAGTIMARAOT, NGAN BATONA AN MASUNOD:

• Ano nga mga kahadlok an naeksperyensyahan han kabugtoan?

• Ano an nakabulig ha ira nga makaya an ira mga kahadlok?