May-ada kita upat nga video para ha pag-aram ha Biblia nga magagamit ha ministeryo. Ano an katuyoan han tagsa hito?

• An Kay Ano nga Kinahanglan Pag-adman an Biblia?—Bug-os nga Video gindisenyo basi buligan an mga tawo nga magin interesado ha Biblia anoman an ira relihiyon. Gin-aaghat hito an nagkikita nga usisahon an mga baton han Biblia ha importante nga mga pakiana ha kinabuhi ngan naghahatag ito hin sampol han lohikal nga baton nga aada ha Biblia. Ginsasaysay hito kon paonan-o maghahangyo hin pag-aram ha Biblia.

• An Kay Ano nga Kinahanglan Pag-adman an Biblia? (pinahalipot nga bersyon) puropariho han bug-os nga video pero waray magkatunga hito an kahilaba. Bangin mas epektibo ini ha mga teritoryo nga busy an mga tawo.

• An Paonan-o Ginhihimo an Pag-aram ha Biblia? gindisenyo basi buligan an mga tawo nga magin interesado ha aton libre nga programa han pag-aram ha Biblia ngan ginbabaton an pipira nga komon nga mga pakiana mahitungod hito, pati na kon paonan-o maghahangyo hin pag-aram.

• An Mag-i-enjoy Ka ha Imo Pag-aram ha Biblia gindisenyo para ipakita ha mga estudyante ha Biblia. Bisan kon ini nga video aada ha pahina 2 han Mabuhi hin Malipayon ha Waray Kataposan! nga libro, mahimo ito ipakita kon ginhihisgotan an Mabuhi hin Malipayon ha Waray Kataposan! nga brosyur. Iginsasaysay han video an mga sulod han libro ngan kon ano an malalaoman han estudyante durante han pag-aram.

Bisan kon an tagsa nga video gindisenyo ha espisipiko nga katuyoan, puydi ipakita o i-send ha mga tawo an bisan hain hito kon angayan. Gin-aaghat an mga magwarali nga magin pamilyar hito ngan gamiton ito hin maopay ha ministeryo.