Abril 1-7
SALMO 23-25
Karantahon 4 Ngan Pag-ampo | Introduksyon (1 min.)
1. “Hi Jehova an Akon Paraataman”
(10 min.)
Gin-gigiyahan kita ni Jehova (Sal 23:1-3; w11-TG 5/1 31 ¶3)
Ginpuproteksyonan kita ni Jehova (Sal 23:4; w11-TG 5/1 31 ¶4)
Ginpapakaon kita ni Jehova (Sal 23:5; w11-TG 5/1 31 ¶5)
Gin-aataman ni Jehova an iya mga surugoon sugad la nga gin-aataman han mahigugmaon nga paraataman hin karnero an iya panon.
PAKIANHI AN IMO KALUGARINGON, ‘Paonan-o ako gin-aataman ni Jehova?’
2. Espirituwal nga mga Hiyas
(10 min.)
Sal 23:3—Ano an “mga dalan han katadongan,” ngan ano an mabulig ha aton nga diri bumaya dida hito? (w11 2/15 24 ¶1-3)
Ano nga espirituwal nga hiyas an imo nahibaroan tikang ha pagbasa ha Biblia yana nga semana?
3. Pagbasa ha Biblia
(4 min.) Sal 23:1–24:10 (th aradman 5)
4. Pagtikang ha Pakiistorya
(3 min.) PAGSANGYAW HA DIRI-PORMAL NGA PAAGI. Pagsumat hin makaparig-on nga teksto ha usa nga tawo nga nagsiring nga nababaraka hiya ha kahimtang han aton planeta nga Tuna. (lmd leksyon 2 punto 5)
5. Pagbalik-Bisita
(4 min.) NASANGYAWAN HA BALAY-BALAY. Ipakita kon paonan-o ginhihimo an pag-aram ha Biblia ha usa nga kumarawat hin Mabuhi hin Malipayon ha Waray Kataposan! nga brosyur. (lmd leksyon 9 punto 3)
6. Panhimo hin Disipulo
(5 min.) lff leksyon 14 punto 4 (lmd leksyon 11 punto 3)
Karantahon 54
7. Ginsasalikway Naton an Tingog han mga Estranghero
(15 min.) Pakighisgot.
An literal nga mga karnero nakilala han tingog han ira paraataman ngan nasunod ha iya. Ha luyo nga bahin, napalagiw hira ha estranghero nga diri nira kilala an tingog. (Ju 10:5) Ha pariho nga paagi, namamati kita ha tingog han aton mahigugmaon ngan masasarigan nga espirituwal nga mga Paraataman, hi Jehova ngan hi Jesus. (Sal 23:1; Ju 10:11) Pero ginsasalikway naton an tingog han mga estranghero nga nangangalimbasog nga paluyahon an aton pagtoo pinaagi han “maglimbong nga mga pulong.”—2Pe 2:1, 3.
Iginsusumat han Genesis kapitulo tres an siyahan nga higayon nga nabatian dinhi ha tuna an tingog han usa nga estranghero. Nakiistorya hi Satanas kan Eva ha malimbong nga paagi, diin waray hiya magsumat kon hin-o gud hiya. Samtang nagpapakunokuno hiya nga sangkay ni Eva, ginbaliko niya an mga pulong ngan mga motibo ni Jehova. Makasurubo, namati hi Eva, ngan tungod hito nag-antos gud hiya ngan an iya pamilya.
Yana, nangangalimbasog hi Satanas nga impluwensyahan kita nga magkaada mga pagruhaduha mahitungod kan Jehova ngan ha iya organisasyon pinaagi ha pagpasarang hin negatibo nga mga sumat ngan kabuwaan. Kon nakakabati kita han tingog han usa nga estranghero, dapat pumalagiw kita! An pagpamati bisan madaliay la tungod han aton pagin mausisahon, peligroso gud. Pira nga pulong an ginkinahanglan ni Satanas basi limbongan hi Eva ha ira halipot nga pag-istorya? (Ge 3:1, 4, 5) Ano man kon may-ada kita kakilala—usa nga nahigugma ha aton ngan may maopay nga mga intensyon—nga karuyag magsumat hin negatibo nga impormasyon mahitungod ha organisasyon ni Jehova?
I-play an VIDEO nga Isalikway “an Tingog han mga Estranghero.” Katapos, pakianhi an mamarati:
Ano an imo nahibaroan ha paagi ni Jade ha pag-atubang han sitwasyon han an iya diri Saksi nga nanay karuyag unta magsumat hin negatibo nga impormasyon mahitungod ha organisasyon ni Jehova?
8. Pag-aram ha Biblia han Kongregasyon
(30 min.) bt kap. 8 ¶1-4, mga kahon ha p. 69-70
