Abril 29–Mayo 5
SALMO 34-35
Karantahon 10 Ngan Pag-ampo | Introduksyon (1 min.)
1. ‘Dayawa hi Jehova ha Ngatanan nga Panahon’
(10 min.)
Gindayaw ni David hi Jehova bisan kon nakakaeksperyensya hiya hin mga kakurian (Sal 34:1; w07 3/1 22 ¶11)
Iginhambog ni David hi Jehova, diri an iya kalugaringon (Sal 34:2-4; w07 3/1 22 ¶13)
An mga kapahayagan han pagdayaw ni David nagparig-on ha iya mga kaupod (Sal 34:5; w07 3/1 23 ¶15)
Han nakapalagiw hi David kan Abimelec, may 400 nga kalalakin-an nga diri nalilipay ha pagmando ni Hadi Saul nga inupod kan David ha kamingawan. (1Sa 22:1, 2) Posible nga ginhunahuna ni David ini nga kalalakin-an han ginkomposo niya ini nga salmo.—Sal 34, superskripsyon.
PAKIANHI AN IMO KALUGARINGON, ‘Ha sunod nga katirok han kongregasyon, paonan-o ko madadayaw hi Jehova kon nakikiistorya ako ha usa nga indibiduwal?’
2. Espirituwal nga mga Hiyas
(10 min.)
-
Sal 35:19—Ano an karuyag sidngon ni David han naghangyo hiya kan Jehova nga diri pabay-an nga “kumiro” adton mga nangangalas ha iya? (w06 5/15 20 ¶2)
-
Ano nga espirituwal nga hiyas an imo nahibaroan tikang ha pagbasa ha Biblia yana nga semana?
3. Pagbasa ha Biblia
(4 min.) Sal 34:1-22 (th aradman 5)
4. Pagtikang ha Pakiistorya
(2 min.) PAGSANGYAW HA DIRI-PORMAL NGA PAAGI. Natapos na an iyo pag-istorya antes ka pa makagsangyaw. (lmd leksyon 1 punto 4)
5. Pagbalik-Bisita
(4 min.) NASANGYAWAN HA DIRI-PORMAL NGA PAAGI. (lmd leksyon 2 punto 4)
6. Pagsaysay han Imo mga Gintotoohan
(5 min.) Pasundayag. ijwfq-TG 59—Tema: Paonan-o Nahibabaroan han mga Saksi ni Jehova Kon Puydi ba Nira Iselebrar an Usa nga Kapiyestahan? (th aradman 17)
Karantahon 59
7. Tulo nga Paagi nga Madadayaw hi Jehova ha mga Katirok
(15 min.) Pakighisgot.
An mga katirok ha kongregasyon naghahatag hin maopay hinduro nga mga oportunidad ha pagdayaw kan Jehova. Ini an tulo nga paagi.
Pakiistorya: Unabiha an pagkamaopay ni Jehova kon nakikiistorya ha iba. (Sal 145:1, 7) May nabatian ka ba o nabasa nga espisipiko nga punto nga nakapahimulos ka? May maopay ka ba nga eksperyensya ha ministeryo? May nakarawat ka ba nga pagdasig tikang ha usa nga bugto pinaagi han iya mga pulong o mga buhat? May nakita ka ba ha mga linarang nga nakaimpres ha imo? Ito ngatanan regalo tikang kan Jehova. (San 1:17) Abot hin temprano mga pipira ka minutos antes magtikang an katirok basi may panahon ka ha pakiistorya ha iba.
Pagkomento: Paningkamot nga makagkomento bisan makausa la ha kada katirok. (Sal 26:12) Mahimo ka maghatag hin direkta nga baton ha pakiana o magkomento ha dugang nga punto, teksto, piktyur, o kon paonan-o iaaplikar an impormasyon. Tungod kay an iba posible liwat nga mag-alsa han ira kamot kadungan mo, pag-andam hin pipira nga komento. Mas damu an ‘makakaghalad ha Dios hin halad han pagdayaw’ kon an aton mga komento 30 segundo o minos pa.—Heb 13:15.
Pagkanta: Kantaha hin madasigon an mga Kingdom song. (Sal 147:1) Bangin may mga panahon nga diri ka tawagon pagkomento ha mga katirok, labi na ha daku nga kongregasyon, pero pirme ka makakaapi pagkanta ha mga Kingdom song. Bisan kon inaabat mo nga diri ka maopay kumanta, kon ginbubuhat mo an imo pinakamaopay, makakasiguro ka nga nalilipay gud hito hi Jehova! (2Co 8:12) Mahimo ka mangandam pinaagi ha pagpraktis han mga kanta ha iyo balay.
I-play an VIDEO nga An Aton Kasaysayan Ngan Pag-uswag—Regalo nga mga Kanta, Bahin 1. Katapos, pakianhi an mamarati:
Han nagtitikang pa la an organisasyon ni Jehova ha moderno nga panahon, paonan-o naton iginpakita nga importante an pagkanta hin mga pagdayaw kan Jehova?
8. Pag-aram ha Biblia han Kongregasyon
(30 min.) bt kap. 9 ¶1-7, introduksyon ha seksyon 3, ngan kahon ha p. 78
