Marso 4-10
SALMO 16-17
Karantahon 111 Ngan Pag-ampo | Introduksyon (1 min.)
1. “Hi Jehova, an Gintitikangan han Akon Pagkamaopay”
(10 min.)
An pakigsangkay ha mga nag-aalagad kan Jehova nakakapalipay ha aton (Sal 16:2, 3; w18.12 26 ¶11)
An pagkaada inuuyonan nga relasyon kan Jehova naghahatag ha aton hin kalipay (Sal 16:5, 6; w14 2/15 29 ¶4)
Tungod han espirituwal nga proteksyon ni Jehova, inaabat naton nga may-ada kita seguridad (Sal 16:8, 9; w08 2/15 3 ¶2-3)
Pariho kan David, may-ada kita mapulsanon nga kinabuhi tungod kay an pinakaimportante ha aton amo an pagsingba kan Jehova, an gintitikangan han aton pagkamaopay.
PAKIANHI AN IMO KALUGARINGON, ‘Ano kaopay an akon kinabuhi yana kay han antes ako mahibaro han kamatuoran?’
2. Espirituwal nga mga Hiyas
(10 min.)
-
Sal 17:8—Ano an iginpapasabot han mga pulong nga “nawotawo han imo mata”? (it-1-TG 308 ¶6-7)
-
Ano nga espirituwal nga hiyas an imo nahibaroan tikang ha pagbasa ha Biblia yana nga semana?
3. Pagbasa ha Biblia
(4 min.) Sal 17:1-15 (th aradman 5)
4. Pagtikang ha Pakiistorya
(1 min.) PAGSANGYAW HA BALAY-BALAY. Itanyag an imbitasyon para ha Memoryal. (th aradman 11)
5. Pagtikang ha Pakiistorya
(3 min.) PAGSANGYAW HA BALAY-BALAY. Itanyag an imbitasyon para ha Memoryal. Katapos magpakita hin interes an tagbalay, ipakita ngan hisguti an video nga Hinumdumi an Kamatayon ni Jesus. (th aradman 9)
6. Pagtikang ha Pakiistorya
(2 min.) PAGSANGYAW HA DIRI-PORMAL NGA PAAGI. Itanyag an imbitasyon para ha Memoryal. (th aradman 2)
7. Panhimo hin Disipulo
Karantahon 20
8. Paonan-o Kita Mangangandam Para ha Memoryal?
(15 min.) Pakighisgot.
Sugad nga pagsunod han sugo ni Jesus, isasaurog naton ha Domingo, Marso 24, an iya kamatayon nga nagpakita han duha nga pinakadaku nga kapahayagan han gugma ha bug-os nga kasaysayan. (Lu 22:19; Ju 3:16; 15:13) Paonan-o kita mangangandam para hinin espesyal nga okasyon?
-
Madasigon nga makigbahin ha kampanya ha pangimbitar ha mga tawo nga umatender ha espesyal nga pahayag ngan ha Memoryal. Ilista an imo mga kakilala, ngan imbitara hira. Kon may naukoy ha lugar nga diri sakop han iyo teritoryo, kitaa ha jw.org an oras ngan lokasyon han mga katirok ha ira lugar
-
Ha Marso ngan Abril, dugangi an imo pakigbahin ha ministeryo. Puydi ka ba makag-auxiliary payunir nga an kakab-uton 15 o 30 ka oras?
-
Ha Marso 18, tikangi an pagbasa ha importante nga mga panhitabo ha ultimo nga semana han kinabuhi ni Jesus dinhi ha tuna. Mahimo ka magdesisyon kon ano kadamu an imo babasahon kada adlaw tikang ha “2024 nga Eskedyol ha Pagbasa han Biblia Para ha Memoryal” ha pahina 6-7
-
Ha adlaw han Memoryal, kitaa an espesyal nga programa han Morning Worship ha jw.org
-
Ha Memoryal, mahigugmaon nga abiabiha adton siyahan pa la nga pakakatambong ngan an mga diri aktibo. Magin andam pagbaton ha ira mga pakiana katapos han programa. Pakigsabot ha mga tinambong nga mabisita ka ha ira basi makultibar an ira interes
-
Antes ngan katapos han Memoryal, pamalandonga an lukat
I-play an VIDEO nga Hinumdumi an Kamatayon ni Jesus. Katapos, pakianhi an mamarati:
Paonan-o naton magagamit ini nga video ha kampanya para ha Memoryal?
9. Pag-aram ha Biblia han Kongregasyon
(30 min.) bt kap. 6 ¶18-24, kahon ha p. 54
