Marso 17-23
PROBERBIOS 5
Karantahon 122 Ngan Pag-ampo | Introduksyon (1 min.)
1. Pahirayo ha Seksuwal nga Imoralidad
(10 min.)
An seksuwal nga imoralidad nakakasulay gud (Pr 5:3; w00 7/15 28-29 ¶8)
An seksuwal nga imoralidad nagriresulta hin duro nga kasubo (Pr 5:4, 5; w00 7/15 29 ¶1)
Pahirayo ha seksuwal nga imoralidad (Pr 5:8; w00 7/15 29 ¶4)
Sister nga nadiri paghatag han iya number ha usa nga batan-on nga lalaki
2. Espirituwal nga mga Hiyas
(10 min.)
-
Pr 5:9—Paonan-o an seksuwal nga imoralidad ‘nakakawara han imo dignidad’? (w00 7/15 29 ¶6)
-
Ano nga espirituwal nga hiyas an imo nahibaroan tikang ha pagbasa ha Biblia yana nga semana?
3. Pagbasa ha Biblia
(4 min.) Pr 5:1-23 (th aradman 5)
4. Pagtikang ha Pakiistorya
(3 min.) PAGSANGYAW HA PUBLIKO. Imbitara ha Memoryal an usa nga diri Kristiano an relihiyon, ngan gamita an jw.org basi makabiling hin Memoryal nga hirani ha iya. (lmd leksyon 6 punto 4)
5. Pagbalik-Bisita
(4 min.) NASANGYAWAN HA BALAY-BALAY. Han naglabay nga pagbisita, ginkarawat han imo kaistorya an imbitasyon para ha Memoryal ngan nagpakita hin interes. (lmd leksyon 9 punto 5)
6. Panhimo hin Disipulo
(5 min.) lff leksyon 16 sumaryo, repaso, ngan an puydi mo buhaton. An Bible study nagpakiana kon inasaw- an ba hi Jesus. Ipakita ha iya kon paonan-o iri-research an baton hito. (lmd leksyon 11 punto 4)
Karantahon 121
7. Kon Paonan-o Makakapabilin nga Limpyo ha Moral Kon Nakikig-date
(15 min.) Pakighisgot.
An pakig-date mahimo mangahulogan ha “bisan ano nga buruhaton nga an lalaki ngan babaye nakapokus ha pagpakita hin romantiko nga interes ha usa kag usa.” Para ha kadam-an, mahimo ito buhaton kaupod hin usa nga grupo o ha pribado la, puydi maaram an iba o sekreto la, ngan puydi ito himoon nga aktuwal nga magkaupod, o pinaagi hin tawag o text. Para ha aton, an pakig-date seryoso nga butang, diri kay kaliawan la. Usa ito nga paagi han panguyab nga an katuyoan amo an pag-asawa. Ano an makakabulig ha mga indibiduwal, batan-on man o edaran, nga makalikay ha seksuwal nga imoralidad samtang nakikig-date?—Pr 22:3.
I-play an VIDEO nga Pagpangandam ha Pag-asawa—Bahin 1: Andam Na ba Ako Makig-date?—Excerpt. Katapos, pakianhi an mamarati:
-
Kay ano nga diri dapat makig-date an usa kon diri pa hiya andam mag-asawa? (Pr 13:12; Lu 14:28-30)
-
Ano an imo naruyagan ha paagi han pagbulig han mga kag-anak ha ira anak?
Basaha an Proberbios 28:26. Katapos, pakianhi an mamarati:
-
Ano an puydi buhaton han mga mag-uyab basi malikyan an mga sitwasyon nga mahimo magresulta ha seksuwal nga imoralidad?
-
Kay ano nga maaramon para ha mga mag-uyab nga hisgotan hin abanse an mga limitasyon ha pagpakita hin gugma, sugad han pagharok ngan pagkapotay hin kamot?
Basaha an Efeso 5:3, 4. Katapos, pakianhi an mamarati:
-
Ano an dapat hinumdoman han mga mag-uyab parte ha ira mga gin-iistoryahan kon nagtatawagay hira o nagti-text?
8. Pag-aram ha Biblia han Kongregasyon
(30 min.) bt kap. 24 ¶1-6
