Ano an audio nga Biblia? An audio nga Biblia usa nga rekording han ginrebisa nga New World Translation. Hinay-hinay nga ginrirelis ito ha damu nga mga linggwahe tubtob nga posible. An usa nga kaopayan han audio nga Biblia kay nagamit ito hin iba-iba nga tingog ha kada karakter han Biblia. Ginbabasa an mga pulong nga may tama nga pagpabug-at ngan emosyon basi husto nga maipahayag an mensahe han Biblia.

Paonan-o an iba nagpapahimulos ha audio nga Biblia? Damu han regular nga namamati ha audio nga Biblia an naoopayan gud hito kay nagigin buhi ha ira an Pulong han Dios. Inabat nira nga an pagpamati hin iba-iba nga magbarasa ha kada karakter han Biblia nabulig ha ira nga mas maimadyin an mga panhitabo ha Biblia ngan mas masabtan ito. (Pr 4:5) Damu liwat an naabat nga an pagpamati han audio nga Biblia nagpapakalma ha ira kon nababaraka hira.—Sal 94:19.

An pagpamati ha Pulong han Dios samtang ginbabasa ito ha daku nga tingog mahimo magkaada daku nga epekto ha aton kinabuhi. (2Cr 34:19-21) Kon an bug-os nga audio nga Biblia o an bahin hito available na ha yinaknan nga imo naiintindihan, mahimo mo ba ito pamatian hin regular sugad nga bahin han imo espirituwal nga rutina?

KITAA AN VIDEO NGA AN PAGHIMO HAN AUDIO NGA BIBLIA—EXCERPT, NGAN BATONA AN MASUNOD:

Ano an nakaimpres ha imo mahitungod ha paghimo han audio nga Biblia?