“Hi Jehova nalilipay ha iya katawohan.” (Sal 149:4) Bisan kon diri kita perpekto, nakikita niya an aton maopay nga mga kalidad ngan an aton potensyal. Pero usahay, bangin nakukurian kita nga makita an aton maopay nga mga kalidad. Bangin umabat kita hin kawaray-pulos tungod han pagtratar ha aton han iba. O kon nagpupokus kita ha aton naglabay nga mga sayop, bangin magruhaduha kita kon hinigugma gud ba kita ni Jehova. Ano an makakabulig ha aton kon sugad hito an aton inaabat?

Hinumdumi nga nakikita ni Jehova an diri nakikita han mga tawo. (1Sa 16:7) Nagpapasabot ini nga nakikita niya bisan an diri naton nakikita ha aton kalugaringon. Mapasalamaton kita nga an Biblia nabulig ha aton nga masabtan kon ano an panhunahuna ni Jehova ha aton. Masasabtan naton ito kon aton babasahon an mga bersikulo ngan mga asoy ha Biblia nga nagpapakita kon ano kahinigugma ni Jehova an mga nagsisingba ha iya.

KITAA AN VIDEO NGA AGHATA AN IMO KASINGKASING HA ATUBANGAN NI JEHOVA, NGAN BATONA AN MASUNOD:

• Paonan-o an ilustrasyon mahitungod ha runner ngan ha iya tatay nagtututdo ha aton mahitungod ha panhunahuna ni Jehova ha aton?

  Your answer

• Kon an usa nakabuhat hin seryoso nga sala ngan ginios basi maibalik an iya relasyon kan Jehova, paonan-o niya mapapasarig an iya kasingkasing ha atubangan ni Jehova?—1Ju 3:19, 20

  Your answer

• Paonan-o an brother nagpahimulos ha pagbasa ngan pagpamalandong ha mga asoy mahitungod kanda David ngan Jehosafat?

  Your answer