PAGKINABUHI SUGAD NGA MGA KRISTIANO
Ginagamit Mo ba an JW Library?
An JW Library usa nga libre nga app (software application) nga magagamit mo ha pag-download hin Biblia, publikasyon, video, ngan audio program ha imo celfon, tablet, o kompyuter.
KON PAONAN-O MAGKAKAADA HITO: Pagkonektar ha Internet, ngan ig-install an JW Library tikang ha app store. Ini nga app mai-install ha iba-iba nga gadyet. Samtang naka-online, abrihi an app ngan pilia an mga reperensya nga karuyag mo ig-download. Kon waray Internet ha iyo balay, bangin may-ada Internet ha Kingdom Hall, ha panpubliko nga librarya, o ha iba pa nga lugar nga may Internet. Kon nai-download mo na an mga publikasyon, diri mo na kinahanglan hin Internet basi magamit ito. Tungod kay may bag-o nga mga feature nga igindudugang ha JW Library, kinahanglan mo mag-online ha panapanahon ngan ig-install an mga update.
KON KAY ANO NGA KINAHANGLAN INI: An JW Library daku nga bulig ha personal nga pag-aram ngan ha mga katirok ha kongregasyon. Mapulsanon liwat ini ha ministeryo, labi na ha diri pormal nga pagsangyaw.
Bangin Maruyagan Mo Liwat
PAGMINISTERYO HA PUBLIKO
An Paggamit han JW.ORG ha Pagpasamwak han Mensahe han Biblia
An mga Saksi ni Jehova, batan-on ngan lagas, nalilipay paggamit han ira bag-o an disenyo nga website basi ipasamwak ha damu gud nga tawo an maopay nga sumat han Ginhadian han Dios.
