9:1-7

Handurawa an daku nga kalipay ni Jesus han hibatian niya an iya Amay ha langit durante han usa nga bisyon, nga nasiring nga nalilipayan hiya han Dios. Sigurado nga nagparig-on ini kan Jesus basi maatubang an mga pagsari ha unhan. Ini nga bisyon nagkaada liwat daku nga epekto kanda Pedro, Santiago, ngan Juan. Ha pagkatinuod hi Jesus an Mesias, ngan husto hira ha pagpamati ha iya. Paglabay hin mga 32 ka tuig, nahinunumdoman pa ni Pedro an panhitabo ngan kon paonan-o ito nagparig-on han iya pagtoo ha “tagna.”—2Pe 1:16-19.

Bisan kon waray kita personal nga makakita hinin makatirigamnan nga bisyon, sugad hin nakikita naton an katumanan hito. Nagmamando na yana hi Jesus sugad nga gamhanan nga Hadi. Ha diri na maiha, iya ‘tatapuson an iya pakig-away’ nga magtutugway ha bag-o nga matadong nga kalibotan.—Pah 6:2.

Paonan-o an pakakita han katumanan han mga tagna ha Biblia nagpaparig-on han imo pagtoo?