Waray makakahatag hin mas daku nga kalipay ha Kristiano nga mga kag-anak kondi an makita an ira anak nga ‘nagsasalikway han iya kalugaringon ngan nagpapas-an han iya pasakitan nga kahoy ngan padayon nga nasunod’ kan Jesus. (Mar 8:34; 3Ju 4) Ano an mahimo buhaton han mga kag-anak basi buligan an ira anak nga magsunod kan Jesus, magdedikar han ira kinabuhi kan Jehova, ngan magpabawtismo? Ano an nagpapakita nga andam na an imo anak ha importante nga pitad han pagpabawtismo?

Basaha an “Mensahe Para ha Kristiano nga mga Kag-anak” ha pahina 165-166 han Organisado ha Pagbuhat han Kaburut-on ni Jehova, katapos tagda an masunod nga mga pakiana:

1. Ano an iginpapasabot han pagin disipulo?

2. Ano an sadang itutdo han kag-anak ha ira mga anak?

3. Paonan-o sadang ig-aplikar han mga anak, uyon ha ira edad, an masunod nga mga teksto basi magin kwalipikado ha bawtismo?

   • Col 3:20

   • Luc 2:46

   • Sal 122:1

   • Mat 4:4

   • Mat 6:33

   • 1Co 15:33