An kadasig nakakatapon. Makakabulig ito nga makuha an atensyon han aton mamarati. Iginpapakita liwat hito nga importante ha aton an aton mensahe. Anoman an aton kultura o personalidad, mahimo naton makultibar an kadasig. (Ro 12:11) Paonan-o?

Siyahan, hunahunaa kon ano kaimportante an imo mensahe. May-ada ka pribilehiyo nga ipasamwak an “maopay nga sumat mahitungod han mag-opay nga mga butang!” (Ro 10:15) Ikaduha, pamalandonga an magigin positibo nga epekto han maopay nga sumat ha imo mamarati. Kinahanglan gud nira mabatian an imo isisiring. (Ro 10:13, 14) Katapos, pagyakan nga may kadasig, gamit an natural nga mga pagkompas ngan sinsero nga mga ekspresyon han nawong.

KITAA AN VIDEO NGA ABATA AN KALIPAY HA PAGHIMO HIN DISIPULO​—PAUSWAGA AN IMO MGA PAMAAGI—​PAGTUTDO NGA MAY KADASIG, NGAN BATONA AN MASUNOD:

• Ano an nakawara han kadasig ni Neeta ha iya pag-Bible study kan Jade?

• Ano an nakabulig kan Neeta nga maibalik an iya kadasig?

• Kay ano nga angay kita magpokus ha mag-opay nga kalidad han aton mamarati?

• Ano an mahimo magin epekto han aton kadasig ha aton mga Bible study ngan ha iba?