Kon nagbabalik-bisita o nagdudumara hin pag-aram ha Biblia, kinahanglan naton buligan an aton mamarati nga masabtan an nangunguna nga mga punto. Pinaagi ha pag-ilustrar hito nga mga punto, mababantad naton an ira kasingkasing ngan mabubuligan hira nga mahinumdoman ito.

Ha imo pag-andam para ha pagbalik-bisita o pag-aram ha Biblia, pilia an nangunguna nga mga punto nga karuyag mo iilustrar ngan diri an gudti nga detalye. Katapos, pagpili hin simple nga mga ilustrasyon nga iginbase ha adlaw-adlaw nga kinabuhi. (Mat 5:14-16; Mar 2:21; Lu 14:7-11) Hunahunaa an kahimtang ngan mga buruhaton han imo kaistorya. (Lu 5:2-11; Ju 4:7-15) Kon makita mo nga nalilipay hiya kay nasabtan niya an usa nga punto, malilipay ka liwat.

KITAA AN VIDEO NGA ABATA AN KALIPAY HA PAGHIMO HIN DISIPULO​​—PAUSWAGA AN IMO MGA PAMAAGI—​IILUSTRAR AN NANGUNGUNA NGA MGA PUNTO, NGAN BATONA AN MASUNOD:

• Kay ano nga bangin magkinahanglan an mga estudyante hin bulig basi masabtan an mga teksto ha Biblia?

• Ano nga ilustrasyon an gin-gamit ni Neeta basi ipatin-aw an kamatuoran ha Roma 5:12?

• Ano an mahimo magin epekto han mag-opay nga ilustrasyon ha aton mamarati?

• Ha aton ministeryo, kay ano nga angay naton gamiton an mga video ngan iba pa nga garamiton ha pagtutdo nga igintatagana han organisasyon ni Jehova?