An nangunguna nga kahulogan han disiplina amo an instruksyon ngan pagtutdo, pero nag-uupod liwat ito hin pagtadong ngan pagsirot. Gindidisiplina kita ni Jehova basi makagsingba ha iya ha paagi nga iya ginkakarawat. (Ro 12:1; Heb 12:10, 11) Usahay, bangin masakit an disiplina, pero nagriresulta ito hin katadongan ngan mga bendisyon. (Pr 10:7) Ano an angay hinumdoman hadton nagdidisiplina ngan hadton gindidisiplina?

An nagdidisiplina. An mga tigurang, kag-anak, ngan iba pa nangangalimbasog gud nga magdisiplina ha buotan ngan mahigugmaon nga paagi sugad han ginbubuhat ni Jehova. (Jer 46:28) Bisan an mapwersa nga disiplina kinahanglan ihatag uyon ha panginahanglan ngan ginpapagios han gugma.​—Tit 1:13.

An gindidisiplina. Anoman nga klase hin disiplina an ihatag ha aton, diri naton ito angay isalikway, lugod kinahanglan iaplikar naton ito dayon. (Pr 3:11, 12) Tungod kay kita ngatanan diri perpekto, kinahanglan naton an disiplina. May iba-iba ito nga klase. Mahimo kita madisiplina pinaagi han aton nababasa ha Biblia o nababatian ha mga katirok. O usahay an pipira nagkikinahanglan hin disiplina han hudisyal nga komite. Kon mamamati kita ha disiplina, magkakaada kita kinabuhi.​—Pr 10:17.

KITAA AN VIDEO NGA “AN MGA GINHIHIGUGMA NI JEHOVA IYA GINDIDISIPLINA,” NGAN BATONA AN MASUNOD:

• Ha tinikangan, ano an kinabuhi ni Canon, ngan paonan-o ito nagbag-o?

• Ano nga mahigugmaon nga disiplina an iya nakarawat tikang kan Jehova?

• Ano nga mga leksyon an aton mahibabaroan ha iya eksperyensya?