Samtang gin-iilob naton an ultimo nga bahin han “kataposan nga mga adlaw,” makakalaom kita nga magtitikaduro an mga problema. (2Ti 3:1; “matinding paghihirap” study note han Mat 24:8, nwtsty-TG) Kon may tiabot nga kalamidad, an katawohan ni Jehova kasagaran nga nakakakarawat hin napapanahon ngan nagtatalwas hin kinabuhi nga instruksyon. Posible kita makatalwas hito nga panahon kon masinugtanon nga mag-aandam kita yana, ha espirituwal ngan pisikal.​—Lu 16:10.

• Pag-andam ha espirituwal: Magkaada maopay nga rutina. Admi an iba-iba nga klase han pagministeryo. Ayaw kalisang kon temporaryo nga mahibulag ka ha imo mga kakongregasyon. (Isa 30:15) Diri ka gud nahibubulag kan Jehova ngan kan Jesus.​—od 176 ¶15-17

• Pag-andam ha pisikal: Labot la han mga go bag, an tagsa nga pamilya kinahanglan magkaada igo nga suplay hin pagkaon, tubig, medisina, ngan puropariho hito nga mga butang engkaso diri puydi gumawas hin maiha-iha nga panahon.​—Pr 22:3; g17.5 4, 6

KITAA AN VIDEO NGA ANDAM KA BA KON MAY UMABOT NGA KALAMIDAD? NGAN BATONA AN MASUNOD:

• Paonan-o kita makakapangandam ha espirituwal antes han kalamidad?

• Kay ano nga kinahanglan . . .

  • tipigan an maopay nga komunikasyon ha mga tigurang?

  • mag-andam hin emergency kit?

  • hisgotan an iba-iba nga kalamidad nga posible mahitabo ngan an bubuhaton ha tagsa nga sitwasyon?

• Ano an tulo nga paagi ha pagbulig ha mga naapektohan hin kalamidad?

PAKIANHI AN IMO KALUGARINGON, ‘Ano an akon mahibabaroan nga mga leksyon tikang ha COVID-19 nga pandemya may kalabotan ha pagin andam?’