Samtang nagtitikahirani an kataposan hini nga sistema, makakalaom kita nga magtitikaduro an kasamok, terorismo, ngan girra. (Pah 6:4) Paonan-o kita makakapangandam ha tiarabot nga mga kakurian?

• Pangandam ha espirituwal: Admi an mga prinsipyo ngan mga asoy ha Biblia nga magpaparig-on han imo pagsarig kan Jehova ngan ha iya organisasyon ngan mabulig ha imo nga magpabilin nga neutral. (Pr 12:5; jr 125-126 ¶23-24) Yana na an panahon nga parig-unon naton an aton pakigsangkay ha aton kabugtoan ha kongregasyon.​—1Pe 4:7, 8

• Pangandam ha pisikal: Pagplano han imo bubuhaton kon diri talwas an paggawas ha balay, ngan siguroha nga may igo ka han ginkikinahanglan nga mga suplay. Pangandam liwat han imo bubuhaton kon kinahanglan mo mag-ebakwit. Kitaa an sulod han imo go bag, ngan sudli ito hin kwarta ngan personal protective equipment sugad han gloves ngan mask. Kinahanglan maaram ka kon paonan-o makukontak an mga tigurang, ngan siguroha nga maaram liwat hira kon paonan-o ka nira makukontak.​—Isa 32:2; g17.5 3-7

Ha panahon han kasamok, ipadayon an imo espirituwal nga rutina. (Fil 1:10) Ayaw pagginawas-gawas ha iyo balay labot la kon kinahanglan gud. (Mat 10:16) Paghatag hin pagkaon ngan han iba pa nga ginkikinahanglan.​—Ro 12:13.

KITAA AN VIDEO NGA ANDAM KA BA KON MAY UMABOT NGA TRAHEDYA?, NGAN BATONA AN MASUNOD:

• Paonan-o kita mabubuligan ni Jehova kon may umabot nga trahedya?

• Ano nga praktikal nga mga paagi an aton hihimoon basi makapangandam kita?

• Paonan-o naton mabubuligan an mga naapektohan hin trahedya?