Ha ministeryo ni Jesus, ginamit hiya hin bag-o la nga mga panhitabo basi magtutdo hin mga leksyon. (Lu 13:1-5) Mahimo ka liwat gumamit hin bag-o la nga mga panhitabo basi an mga tawo magin interesado ha mensahe han Ginhadian. Katapos unabihon an pagmahal han mga paraliton, kalamidad, kasamok, pagin adik ha droga, o iba pa, pagbangon hin pakiana nga makakaaghat ha imo kaistorya nga maghunahuna. Puydi ka magpakiana: “Ha imo hunahuna, maabot pa ba an panahon nga waray na . . . ?” o “Ha imo hunahuna, ano daw la an solusyon ha . . . ?” Katapos, pagbasa hin teksto nga may kalabotan ha topiko. Kon an imo kaistorya magpakita hin interes, ipakita ha iya an usa nga video o usa nga publikasyon ha aton Toolbox ha Pagpanutdo. Samtang naniningkamot kita nga maabot an kasingkasing han mga tawo ha aton teritoryo, hinaot ‘buhaton naton an ngatanan nga butang para ha maopay nga sumat.’​—1Co 9:22, 23.

Ano nga mga topiko an posible nga maruyagan han mga tawo ha iyo teritoryo?