Iginhuhulagway han Biblia an May Kapas nga Asawa
Ha Proberbios 31, mababasa an mabug-at nga mensahe para kan Hadi Lemuel tikang ha iya nanay. Iton maaramon nga sagdon nagtutdo kan Lemuel kon ano an mga kalidad han usa nga may kapas nga asawa.
An may kapas nga asawa masasarigan
-
Hiya naghahatag hin birilhon nga mga suhestyon may kalabotan ha mga desisyon han pamilya, pero nagpapabilin hiya nga mapinasakupon
-
An iya bana nasarig nga makakahimo hiya hin maaramon nga mga desisyon, ngan diri nag-iinsister an bana nga kuhaon han iya asawa an iya pag-uyon ha tagsa nga butang
An may kapas nga asawa maduruto
-
Hiya diri magastos ngan nagkikinabuhi uyon han gintatag-iya han pamilya basi an pamilya makapamado hin limpyo ngan presentable, ngan may-ada husto nga pagkaon
-
Hiya maduruto ngan nag-aataman han iya panimalay adlaw ngan gab-i