An 2 Corinto 9:7 nasiring: “Buhaton han kada tagsa an uyon ha nagin desisyon han iya kasingkasing, nga diri kontra-gusto o napipiritan, kay an Dios nahigugma ha malipayon nga nahatag.” Yana may-ada kita kombinyente nga pamaagi ha pagdonar online basi masuportaran an mga buruhaton han mga Saksi ni Jehova, ha aton nasud ngan ha bug-os nga kalibotan.

KITAA AN VIDEO NGA GIYA PARA HA ELEKTRONIKO NGA PAGHATAG HIN DONASYON, NGAN BATONA AN MASUNOD:

• Paonan-o naton maaakses an impormasyon ha pagdonar basi mahibaroan an mga pamaagi ha pagdonar nga puydi ha aton nasud?

• Paonan-o nagpapahimulos an iba ha elektroniko nga pagdonar?

• Ano an pipira nga pamaagi ha pagdonar?

• Ano an aton puydi himoon kon diri kita maaram gumamit hinin bag-o nga elektroniko nga pamaagi ha pagdonar?