8:6-9, 12; 9:1-5, 23, 24

Ginpahinabo ni Jehova nga ugtangon hin kalayo an siyahan nga halad nga sinunog han bag-o pa la nga mga saserdote nga hira Aaron ngan an iya mga anak. Nagpapakita ini han suporta ngan pag-uyon ni Jehova hini nga kahikayan. Tungod hito, gin-aghat niya an nagkakatirok nga mga Israelita nga ihatag an ira bug-os nga suporta ha mga saserdote. Yana, ginagamit ni Jehova an ginhimaya nga hi Jesu-Kristo sugad nga harangdon nga Hitaas nga Saserdote. (Heb 9:11, 12) Han 1919, nagpili hi Jesus hin gutiay nga grupo hin dinihogan nga kalalakin-an sugad nga “matinumanon ngan maaramon nga uripon.” (Mat 24:45) Ano nga ebidensya an nagpapakita nga an matinumanon nga uripon ginbibendisyonan, ginbubuligan, ngan gin-uuyonan ni Jehova?

• Bisan pa han duro nga pagtimaraot, an matinumanon nga uripon padayon nga nagsusuplay hin espirituwal nga pagkaon

• Sugad han igintagna, an maopay nga sumat iginsasangyaw “ha bug-os nga inuukyan nga tuna.”​—Mat 24:14

Paonan-o naton bug-os nga masusuportaran an matinumanon ngan maaramon nga uripon?