KON KAY ANO NGA IMPORTANTE: An pagsangyaw pinaagi han telepono importante nga paagi basi “bug-os [kita] nga magpamatuod han maopay nga sumat.” (Bu 20:24) * Nabulig ito nga masangyawan naton an mga tawo nga diri naton personal nga mabibisita tungod han iba-iba nga kahimtang.

KON PAONAN-O ITO BUBUHATON:

• Pag-andam. Pagpili hin angayan nga topiko. Katapos, isurat an imo karuyag isiring. Puydi ka liwat mag-andam hin halipot nga mensahe nga nagsusumat han katuyoan han imo pagtawag engkaso answering machine an bumaton ha imo. Makakabulig kon malingkod ka ha usa nga lamesa, diin aada an imo ginsurat nga yaraknon ngan an iba pa nga imo kinahanglan, sugad han gadyet nga nakaandam na an JW Library^® o jw.org^®

• Relaks la. Pagyakan hin natural. Hiyom ngan pagkompas nga baga hin nakikita mo an imo kaistorya. Likayi an diri kinahanglan nga mga pag-undang. Makakabulig kon may kaupod ka. Kon may pakiana an imo kaistorya, utroha ito ha daku nga tingog basi mabuligan ka han imo partner ha pagbiling han baton

• Iandam an pundasyon para ha pagbalik-bisita. Kon interesado an imo kaistorya, puydi ka magbilin hin pakiana nga babatunon mo ha sunod nga pagtawag. Puydi mo liwat ig-e-mail, igdul-ong, o igpadara an usa nga literatura. O puydi mo iteks o ig-e-mail an usa han aton mga video o artikulo. Kon angayan, puydi mo hiya sumatan mahitungod han iba pa nga makikita ha aton website