An mga pag-ampo nga kinakarawat ni Jehova pariho han mahamot nga insenso nga regular nga ginsusunog ha atubangan ni Jehova ha templo. (Sal 141:2) Kon iginpapahayag naton ha aton langitnon nga Amay an aton gugma ngan apresasyon ha iya, iginsusumat ha iya an aton mga problema ngan mga hingyap, ngan naghahangyo para han iya paggiya, iginpapakita naton nga ginpapabilhan naton an aton pakigsangkay ha iya. Syempre, para kan Jehova importante nga bahin han aton pagsingba an halipot nga mga pag-ampo ha publiko ha aton mga katirok. Pero sigurado gud nga nalilipay hi Jehova kon ha aton personal nga mga pag-ampo, iginsusumat naton ha iya an sulod han aton kasingkasing ngan nakikiistorya ha iya hin maiha!—Pr 15:8.

KITAA AN VIDEO NGA PIRME GUD AKO NAG-AAMPO, NGAN BATONA AN MASUNOD:

• Ano nga mga pribilehiyo an nakarawat ni Brother Johnson?

• Paonan-o iginpakita ni Brother Johnson an iya pagsarig kan Jehova pinaagi ha pag-ampo?

• Ano nga mga leksyon an imo nahibaroan ha eksperyensya ni Brother Johnson?