Tungod kay nagtitikahirani na an daku nga kasakitan, apurado na gud an aton buruhaton. (Pr 24:11, 12, 20) Basi mabuligan an mga tawo, mahimo naton gamiton an contact card basi giyahan an ira atensyon ha Pulong han Dios ngan ha aton website. An contact card may-ada code nga nagtutugway ha video nga Kay Ano nga Kinahanglan Pag-adman an Biblia?, ngan imbitasyon para ha paghangyo hin dugang nga impormasyon o hin pag-aram ha Biblia. May mga nadiri pagkarawat han aton literatura pero naruruyag pag-abri han aton website. Ayaw pag-alang ha paghatag ha ira hin contact card. Kondi, ayaw ibilin an contact card ha mga diri interesado.

Samtang naghihimo ka han imo adlaw-adlaw nga buruhaton, mahimo mo mapukaw an interes han usa pinaagi la ha pagsiring: “May-ada ako karuyag ihatag ha imo. Iginpapakilala hini nga kard an usa nga website nga may-ada libre nga impormasyon ngan mga video mahitungod han iba-iba nga topiko.” (Ju 4:7) Tungod kay gutiay an contact card, mahimo ka magdara hin pipira basi maipanhatag ha tanan nga higayon.