KON KAY ANO NGA IMPORTANTE: Han gab-i antes mamatay hi Jesus, nag-ampo hiya nga “magkaurosa gud” an iya mga disipulo. (Ju 17:23) Basi makagpabilin nga nagkakaurosa, sadang kita magpakita hin gugma nga ‘diri nag-iihap han karat-an.’​—1Co 13:5.

KON PAONAN-O ITO BUBUHATON:

• Subara hi Jehova pinaagi ha pagpamiling hin maopay ha iba

• Magin mapinasayloon

• Kon nasulbad na an problema, ayaw na ito hisguti utro.​—Pr 17:9

KITAA AN VIDEO NGA ‘MAGHIGUGMAAY KAMO’​—AYAW PAG-IHAP HAN KARAT-AN, NGAN BATONA AN MASUNOD:

• Ha siyahan nga bahin han video, paonan-o iginpakita ni Helen nga ‘nag-iihap hiya han karat-an’?

• Ha ikaduha nga bahin han video, paonan-o nalamposan ni Helen an negatibo nga panhunahuna ngan nakagkultibar hin positibo nga panhunahuna?

• Ha urhi, paonan-o nakaamot hi Helen ha pagkaurosa han kongregasyon?