Ano nga mga kalidad an ginbibiling mo ha usa nga sangkay? Sigurado nga karuyag mo an sangkay nga maunungon, buotan, ngan mahinatagon. Hi Jehova sugad gud hito. (Ex 34:6; Bu 14:17) Ginpapamatian niya an imo pag-ampo. Ginbubuligan ka niya ha panahon nga kinahanglan mo ito. (Sal 18:19, 35) Ginpapasaylo niya an imo mga sayop. (1Ju 1:9) Maopay gud nga Sangkay hi Jehova!

Paonan-o mo magigin sangkay hi Jehova? Kilalaha hiya pinaagi han pagbasa han iya Pulong. Isumat ha iya an imo inaabat. (Sal 62:8; 142:2) Ipakita nga importante ha imo an mga butang nga importante kan Jehova, sugad han iya Anak, iya Ginhadian, ngan iya mga saad para ha tiarabot. Ipakilala hiya ha iba. (De 32:3) Kon kukultibaron mo an duok nga pakigsangkay kan Jehova, magigin Sangkay mo hiya ha kadayonan.​—Sal 73:25, 26, 28.

KITAA AN VIDEO NGA MGA BATAN-ON​—“TILAWI NGAN KITAA NGA HI JEHOVA MAOPAY,” NGAN BATONA AN MASUNOD:

• Paonan-o ka makakapangandam para ha dedikasyon ngan bawtismo?

• Paonan-o ka mabubuligan han imo mga kakongregasyon nga mag-alagad kan Jehova?

• Paonan-o napaparig-on han ministeryo an imo relasyon kan Jehova?

• Ano nga mga pribilehiyo ha pag-alagad an abrido ha imo?

• Ano an imo naruruyagan kan Jehova?